Synfocity = 398

mail us at : mzsynfo@gmail.com; mizoramsynod@gmail.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

12th July, 2012

Synod Worship Seminar Synod Worship Committee buatsaihin July 13 (Zirtawpni) 10.00 am - 4.00 pm hian Synod Conference Centre-ah Worship Seminar neih a ni dawn a. He Seminar-a tel tur Khawpui chhung kohhran tin aiawh pakhat theuh, Khawpui chhung Pastor leh Pro. Pastor te, Central Kohhran Hmeichhe Committee Members, Central KTP Committee Members leh Khawpui chhung Bial KTP Committee aiawh pakhat theuh te sawm an ni. Programme kimchang phek lehlamah tarlan an ni. Intensive Residential Pastoral Care & Counselling Training vawi 16-na Family Guidance & Counselling Centre (FG&CC) chuan July 18 - August 1 chhung hian Synod Conference Centre, Mission Vengah Kohhran Upate pualin Intensive Residential Pastoral Care & Counselling Training vawi 16-na a buatsaih dawn a. Training-a tel tur hian Aizawl Khawpui chhunga Kohhran 26 atangin Kohhran aiawh mi 1 theuh tel tura koh an ni. Resource persons turte chu - Rev. R. Lalhmingthanga, Rev. H. Lalchhanhima, Rev. J. Vanlalhnuna, Rev. Lalrinmawia, Rev. Zothansanga leh Dr. Ruth Lalmuanpuii te an ni ang. July 18 (Nilaini) zan dar 6:30-ah training hawnna inkhawm neih a ni ang a, Rev. R.C. Lalnghakliana, FG&CC Committee Member-in programme kaihruaiin Rev. R. Lalhmingthanga, FG&CC Director-in Inhmelhriattirna leh Reports pekna hun a hmang ang. Rev. Lalzuithanga, Executive Secretary i/c FG&CC etc. in training hawnna neiin thuchah a sawi ang a, Adoration Female Voice, Bungkawn te an zai bawk ang. Hla Kutpui Synod Music Committee chuan kum 19 chhung zet Hla kutpui kan neih tawh loh dan te thlirin hla kutpui neih thin laia Kohhran hoten an hlawkpui thin dan te, Kohhrante tipumkhattu a nih thin dan te pawh thlir telin July 14 & 15 hian Hla kutpui neih ni se, tiin ruahmanna a siam a. Ruahmanna hi Bial huapa hmang duhte tan hman theih a nih rualin Kohhran tinin a malin hman theih a ni bawk ang. Hla Kutpui hman dan tur ruahmanna phek lehlamah tarlan a ni. SMB Missionary Tirhchhuahna July 22 (Pathianni) chawhnu hian Synod Mission Board chuan Tuikual Kohhran Biak Inah Missionary lak thar mi 23 te tirh chhuah programme an hmang ang. Missionary tirh chhuah inkhawm hi Rev. Z.D. Lalhmachhuana, BEC Member in a kaihruai ang a, Upa R. Lalmalsawma, SMB Coordinator-in Missionary thlah turte hmelhriattirna hun a hmang ang a. Synod Moderator Rev. Thangzauvan tirhchhuahna & fuihna thuchah a sawi ang. Tirh chhuahte aiawhin thusawi tawi ngaihthlak a ni ang a, Tuikual Bial Zaipawl an zai bawk ang. Upa D.P. Biakkhuma, Synod Secretary-in missionary-te puala tawngtaisakna hun a hmang ang a, Rev. F. Laltlanthanga, Tuikual Bialtu Pastor-in malsawmna sawiin hun a khar ang. Missionary lak tharte hi July 18 - 20 chhungin J.M. Lloyd Hall, Synod Office-ah Orientation training neihpui an ni ang a, an rawngbawlna tura thil pawimawh tur hrang hrangte uluk takin zirtir an ni ang. Music July 13 - 15 chhung hian Kawrthah, Kawnpui Hmar Veng leh Rulchawm Kohhranah Music Training neih a ni dawn a, training neihpui tur hian Kawrthah Kohhranah Pu H. Lalrinmawia, Synod Music Instructor leh Upa K. Lalthakima te an kal ang a, kawnpui Hmar Veng Kohhranah Tv. H. Lalthazuala, Synod Music Instructor leh Upa B. Bawlkhuma, Tlangnuam an kal ang a, Rulchawm Kohhranah Benjamin Sailo, Synod Music Instructor leh Upa F. Lalthanmawia, Bungkawn te an kal ang. MSSU July 14 (Inrinni) hian Thingsulthliah Kohhranah Sunday School Zirtirtu Training neih a ni dawn a, training neihpui tur hian Upa Upa B. Lalhmunliana, Bethlehem Venglai; Upa K. Vanlalnghaka, Ramhlun East (MSSU Trainers) leh T.Upa Lalthahluna Ralte, MSSU Asst. Coordinator te an kal ang. Zan Pathian biak inkhawmah Fanau enkawl (Child Evangelism) chungchang thuchah Upa B. Lalhmunlianan a sawi bawk ang. Hruaina Eng FM Radio & TV Programme w JULY 13 (FM Radio @ 7:30 p.m.) : Choir : Mission Veng Pastor Bial Zaipawl - Krista Kohhran, Kolasib Hmar Veng Bial Zaipawl - Vanram Mawi, Thuchah : Dr. C. Lalhmingliana - Pumpui na chungchang, Solo : Margareth Malsawmzuali - A va mak Lalpa, Choir : Besy Choir - Isu, Kei Min Kalpel Suh w JULY 15 (TV Programme @ 3:00 p.m. : Choir : Dawrpui Kohhran Zaipawl - Inkhawmpui tiak tawh ngai lo, Chanmari Pastor Bial - Chatuanin kan cheng tawh ang, Sermon : Rev. Dr. C. Chawnghmingliana - Lalpa dana lawmna, Choir : Leprosy - Ka lawm thin, Kristian Chhungkaw Film : Vanram RamhlunVenglai, Solo : Dr. Zothansanga - Isu I hnen, Group : Various Artists - Isua hnenah i kir ang u, Solo : Grace Lalkhawngaihi - Nun Krista Susamachar Prasaran Programme July 15 (Pathianni) 5:00 pm. Hindi Gospel Programme (Susamachar Prasaran) : Group/Choir/Solo : Himali Kohhran Zaipawl - Isu Mash tere Jeisa Koii Nahi, Group/Choir/Solo : Central PYF Choir - Krus Par, Sermon : Zohmingthanga - Yeshu me chhama, Group/Choir/Solo : Republic Veng Masihi Sangati - Prabhuki Prathana, Group/ Choir/Solo : Masihi Sangati Bungkawn Vengthar - Siyon Desh Campus Minstry rawngbawlna Rev. V. L. Krawschhuanmawia i/c Campus Ministry chuan vawiin (July 12) chawhma khan Govt. Dinthar High School-ah hun a hmang a, July 13 (Zirtawpni) chawhma hian Govt. Higher Secondary School Beihram Pawl nen hun an hmang leh ang a, July 18 - 21 chhung hian Khawzawl Higher Secondary School-ah Camping a neihpui ang.
Contd,..

1
www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

Moderator Programme Synod Moderator Rev. Thangzauva Kohhran tlawh programme : w July 14 (Inrinni) Zan - Community Worship Service, Silchar Speaker : Rev. Thangzauva, Moderator w July 15 (Pathianni) Chawhma - Worship Service at Kahrawt Presbyterian Church Speaker : Rev. Thangzauva, Moderator July 15 (Pathianni) 12 - 1:00 P.M. - Tea at Headmaster Qtrs, Winchester Boarding School & meeting with workers w July 15 (Pathianni) Chawhnu - Worship Service at Tlangpui Presbyterian Church Speaker : Rev. Thangzauva, Moderator July 15 (Pathianni) 3:00 P.M. - Visit to Winchester Prayer Hall w July 15 (Pathianni) Zan - Worship Service at Mizo Kohhran, Silchar Speaker : Rev. Thangzauva, Moderator

SYNOD WORSHIP SEMINAR

A hmun A hun : : Synod Conference Centre 13th July, 2012 (Zirtawpni) (10:00 am - 4:00 pm) CHAWHMA HUN (10:00 am-12:00 noon) Hruaitu Inhmlhriattrna Thupui Sawitu Sawi hona : : : : : Rev. Lalzuithanga (Exe. Secretary) Secretary, Worship Committee Presbyterian Pathian Biak Kalphung Revd Chuauthuama A duh apiang tn

CHHUN THINGPUI IN CHAWLH (12:00 noon - 12:30 pm) CHAWHNU HUN (12:30 pm-4:00 pm) Hruaitu Thupui Sawitu Sawi hona Lawmthu sawi : : : : : Rev. R. Lalengkima Pathian Biak Inkhwm Hruaina Bu Hman Dn Rev. C. Rosiama A duh apiang tn Rev. H. Lalchhanhima

HLA KUTPUI HMAN DAN TUR RUAHMANNA

A hun : July 14 - 15, 2012 (Inrinni - Pathianni)
Thupui thlan : 1. Pathian fak hla sak, Kohhran tinungtu (Inrinni zan atan) 2. Pathian fak hla sak, leiah leh Vanah (Pathianni chawhnu atan) 3. Lalpa fakin zai rawh u. (Pathianni zan atan) Hla thlan : Solfa thluk :1. Engkimtithei Lalpa leh kan Pathian chu fak... 2. Hringmi hun hi tui luang angin 3. Hmangaihna In nuam kan tan a buatsaih Lengkhawm thluk :1. Aw kan Lalpa, khawvel entu (KHB No. 209-na Thu mak ka sawi nin theih loh tih thlukin) 2. Aw Lalpa, min lawmin ka lamah lo eng la 3. Isua hnenah puan var sinin

(KHB No. 10) (KHB No. 555) (KHB No. 470) (KHB No. 566) (KHB No. 44) (KHB No. 462)

Hriat tur : 1. Hla kutpui hi intihsiakin emaw intihsiak lovin emaw a hman theih ve ve ang a, Kohhran Committee thu ni se. 2. Zaipawl hlate leh Lengkhawm thluka sak turte hi Kohhran mipuiin kan thiam tlan theih dan tur thlir chunga ruahman ni thei se. 3. Thupui sawi tura thlan sa lo pawh hi Kohhranin a duh chuan a hmang thei ang a, thupui hi minute 10-15 chhung vel sawi ni se. 4. Inkhawm programme-ah Group singing emaw mimal zai emaw telh duh a nih chuan Kohhran Committee thu a ni ang. 5. Ruahmanna awm sa bak pawh hi Kohhran Committee-in tul a tih chuan a belh thei ang. 6. Bial huapin a duh tan hman theih a ni bawk ang.
Synod Social Front Helpline: 9089777129; 9856883377
Mail us at : synfo@bsnl.in mzsynfo@gmail.com Synod Information & Publicity Phone - 2314648

Synfo