Banal na may Kaugnayan sa Musikang Pangsimbahan Magsitayo ang lahat Halina, Espiritu Santo Veni Sancte Spiritus (Fr. Peregrino Tomas arr. Ferdinand M. Bautista) Halina, Espiritu Santo, puspusin Mo ang mga pusong tapat sa Iyo. Puso ng mga binyagan, pusong humahanap saYo! Halina, Espiritu Santo, pagningasin Mo ang apoy ng Iyong pag-ibig! Espiritu ng pag-unawa, ipaliwanag Mo ang kalooban ng Diyos, Espiritu ng katalinuhan manguna ka sa lahat ng gawain. Halina, Espiritu Santo, puspusin Mo ang mga pusong tapat sa Iyo. Puso ng mga binyagan, pusong humahanap saYo! Halina, Espiritu Santo, pagningasin Mo ang apoy ng Iyong pag-ibig! Espiritu ng pagpapayo, tanglawan Mo kami sa aming alinlangan. Espiritu ng lakas at buhay, bigyan ng tatag sa buhay paglilingkod. Halina, Espiritu Santo, puspusin Mo ang mga pusong tapat sa Iyo. Puso ng mga binyagan, pusong humahanap saYo! Halina, Espiritu Santo, pagningasin Mo ang apoy ng Iyong pag-ibig! Amen. At sumaiyo rin. Magpuri sa Panginoon (Fr. Eduardo P. Hontiveros, SJ arr. Louie Angelo Oca) Magpuri kayo sa Panginoong Diyos, lahat ng santinakpan. Magsiawit kayo at Sya;y ipagdangal magpakailanman. Magpuri kayo mga anghel ng Diyos sa Panginoong Maykapal. Magpuri kayo mga langit sa Diyos sa sanyo lumikha. Magpuri kayo sa Panginoong Diyos, lahat ng santinakpan. Magsiawit kayo at Sya;y ipagdangal magpakailanman. Magpuri kayo sa Panginoon buwan, araw at bitwin. Umawit sa kanyang karangalan at hamog at hangin. Magpuri kayo sa Panginoong Diyos, lahat ng santinakpan. Magsiawit kayo at Sya;y ipagdangal magpakailanman. Magpakailanman! Amen. Ang Pagluluklok Magsiluhod ang lahat Panalangin kay San Papa Juan Pablo II O, San Papa Juan Pablo II, mula sa bintana ng langit, ipagkaloob mo sa amin ang iyong pagbabasbas! Basbasan mo ang Simbahang iyong minahal, pinaglingkuran, ginabayan, at buong- tapang na pinamunuan sa mga landas ng daigdig para ihatid si Hesus sa lahat at ang lahat kay Hesus. Basbasan mo ang mga kabataan, na iyong pinakamamahal. Tulungan mo silang muling mangarap, tulungan mo silang muling tumingala at hanapin ang ilaw na nagbibigay liwanag sa mga landas ng buhay dito sa daigdig. Gayundin naman, nawa'y basbasan mo ang mga pamilya. Sa pamamagitan ng iyong panalangin, nawa'y pangalagaan mo ang pamilya at ang bawat buhay na nagbubunga mula sa pamilya. Ipanalangin mo ang buong mundo, na hanggang ngayon ay markado pa rin ng tensyon, digmaan, at kawalan ng katarungan. Hinarap mo ang digmaan sa pamamagitan ng panawagan para sa pag- uusap at paghahasik ng mga punla ng pagmamahal: ipanalangin mo kami nang kami ay maging mga walang-pagod na tagapag- hasik ng kapayapaan. O San Juan Pablo, mula sa bintana ng langit, kung saan nakikita ka namin sa piling ni Maria, ipadala mo ang pagbabasbas ng Diyos dito sa aming lahat. Amen. Panalangin kay San Gregorio Magno O, San Gregorio Magno, ikaw ay naging tanyag sa iyong kasigasigan para sa pananampalatayang Katoliko, pagmamahal sa gawaing pagsamba, at paglingap at habag sa mga nangangailangan. Tulungan at gabayan mo kami upang kami ay makabahagi sa mga katangiang ito na iyong ipinamalas, at sa pamamagitan nito ay madala namin si Jesus sa mga puso ng aming mga pamilya at sa lahat ng aming nakakasalamuha araw-araw.. Nawa ay ipamagitan mo kami sa aming mga panalangin upang kami ay lalo pang makapagtalaga ng aming sarili sa paglilingkod sa Diyos at sa Simbahan. Tulungan mo kami na makapamuhay bilang matapat na mga anak ng Diyos, at nawa ay makamtan namin ang walang hanggang kasiyahan sa kalangitan. Amen. Panalangin kay San Papa Pio X O, San Papa Pio X, maluwalhating Papa ng Eukaristiya, iyong pinagsikapan at ipinanalangin na ang lahat ay magkaisa kay Hesus. Ipagkaloob mo sa amin ang tunay na pag-ibig kay Hesus upang kami ay makapamuhay para sa kanya. Tulungan mo kaming magkaroon ng kataimtiman at tunay na kalooban sa pagpupunyaging magpakabanal. Magawa nawa naming makinabang sa kayamanan ng Banal na Eukaristiya. Sa iyong pagmamahal kay Maria, Ina at Reyna ng lahat, papag-alabin mo ang aming mga puso ng tunay na pamimintuho sa kanya. Banal na modelo ng mga pari, ipagkaloob mo sa amin ang mga banal at tapat na mga pari, at ang pagdami ng mga bokasyon sa pagpapari at pagiging relihiyoso at relihiyosa. Alisin mo ang pagkalito at pagkagalit sa aming kalooban upang kami ay maging daan ng kapayapaan at pagkakaisa, upang ang buong mundo ay magkaisa sa kaharian ni Kristo. Amen. Panalangin kay Sta. Cecilia Maluwalhating Sta. Cecilia, pinili mong maghandog ng buhay hanggang kamatayan sa halip na talikuran ang iyong Hari. Itinataas namin ang aming mga puso na puno ng mga masasayang awitin upang parangalan ang aming Panginoon. Habang ang aming mga puso at dila ay naghahandog ng panalangin ng pagpupuri sa Panginoong Diyos, aming hinihiling na tulungan mo kaming mapalapit at maging kaisa ni Hesukristo. Ikaw ay kinikilala naming pintakasi ng mga mananampalatayang naglilingkod sa simbahan sa pamamagitan ng musika sapagkat ikaw ay nakaririnig ng mga anghel na umaawit. Pag-alabin mo ang aming kalooban, upang habang aming pinupuno ang kapaligiran ng mga awiting nagbibigay puri at parangal sa Panginoon, nawa ay maikintal sa aming kaisipan na sa Diyos nagmumula at nananatili ang lahat ng Mabuti at Kaayaaya. Amen. Panalangin kay San Agustin O San Agustin, pinili ka nang Amang Lumikha upang maging Guro ng pag-ibig, ilaw ng mga mangangaral at mag- aaral, Pantas ng Simbahan, haligi ng Santa Iglesia, tagapagtanggol ng pananampalatayang Kristiyano at kalasag laban sa mga kaaway. Hayaan mong matularan namin ang iyong halimbawa ng pagbabalik- loob sa Diyos upang kami rin ay makatamasa ng matuwid na landas tungo sa kaginhawahang walang katapusan upang ang puso namin ay pamahayan ng Banal na Santatlo. Ipanalangin mo kami, patron naming San Agustin, upang ang aming bisyo at mga maling aral na pinaniniwalaan ay aming maituwid sa tulong at awa ni Hesukristo. Tulad ng iyong nasumpungan sa sulat ni San Pablo sa Bagong Tipan, nawa ay maiwasan naming malugmok sa lusak ng kamunduhan at kalaswaan; at maisuot namin ang damit ng aming Panginoong Hesukristo. Tulungan mo kami, San Agustin, upang manaig sa amin ang karunungan at katalinuhan na biyaya sa amin ng Diyos. Nawa ang mga biyayang ito ay maghatid sa aming buhay nang kabanalan. Papagliwanagan mo kami na umasa sa biyaya ng Espiritu Santo at hindi sa sarili naming kakayahan lamang. Naway maisabuhay namin ang halimbawa mo, o aming patrong San Agustin, upang ang aming napapagal na puso ay makasumpong ng kapayapaan at magalak sa pag-ibig ng iisang Diyos. Amen. Panalangin kay Sto. Tomas de Aquino Sto. Tomas de Aquino, ikaw ay nag-uumapaw sa pagmamahal sa Banal sa Sakramento. Nakintal sa iyong kalooban ang sinabi ni Hesus, Pakatandaan ninyo: malibang kainin ninyo ang laman ng Anak ng Tao at inumin ang kanyang dugo, hindi kayo magkakaroon ng buhay. Kaya naman, ikaw ay nagkaroon ng malaking pagmamahal kay Hesus sa Banal na Sakramento, at naglaan ka ng maraming panahon sa harapan ng Banal na Sakramento. Minsan ay sinabi mo na mas marami kang natutunan sa pananalangin kaysa sa mga oras na inilaan mo sa pagsasaliksik. Ang simbahan ay tumatanaw ng utang na loob sa iyo sa mga awiting pang-Eukaristiya na iyong kinatha bilang tugon sa kahilingan ni Papa Urban IV, para sa noon ay kakatatag pa lamang na kapyestahan ng Kabanal-banalang Katawan at Dugo ng Panginoong Hesukristo. Kami nawa ay magkaroon din ng ganoong nag- uumapaw na pagmamahal sa Eukaristiya, at ito nawa ay magbunga ng pagmamahal sa kapwa tao, lalot higit sa mga nangangailangan. Katulad mo, kami nawa ay mabuhay sa pag-ibig, at sa pagtalima sa aral ni Hesus upang kami ay makabuo ng kanyang kaharian. Amen. Panalangin kay San Pedro Bautista O, San Pedro Bautista, nagpapasalamat kami sa Panginoong Diyos sa pagkakaloob sa amin ng isang modelong katulad mo na nagtalaga ng sarili sa paglilingkod sa Diyos at sa simbahan. Iyong ipinamalas ang paglilingkod na ito sa iyong buong pusong pagpapayaman ng pananampalataya sa iyong pamayanan, lalot higit sa pamamagitan ng musika. Sa huli, iyong ipinamalas na ang paglilingkod na ito ay napatutunayang tunay at wagas sa pag-aalay ng buhay hanggang kamatayan. Turuan mo kami na magkaroon din ng ganoong kalaking pananampalataya upang kami rin ay matulad sa iyo na naging kalugud-lugod sa harapan ng Panginoon. Amen. Magsiupo ang lahat Magsitayo ang lahat Amen. At sumaiyo rin. Amen. Salamat sa Diyos.